SON DƏQİQƏ

PressDent.Info

Dövlət Gömrük Komitəsinin vəzifəli şəxsinin oğlu ağır yol qəzası törədib

Dövlət Gömrük Komitəsinin vəzifəli şəxsinin oğlu ağır yol qəzası törədib
2-04-2018, 20:24 12528 dəfə baxılıb

Qəza törədən şəxsin Dövlət Gömrük Komitəsində vəzifə sahibi olan Nüsrət Adıgözəlovun oğlu olduğu bildirilir

Bakının Nəsimi rayonunda işıqforun qırmızı işığından keçən sürücü qəza törədib. "10-LJ-600" dövlət qeydiyyat nişanlı BMW markalı avtomobili idarə edən 1984-cü il təvəllüdlü Adıgözəlov Elvin Nüsrət oğlu Rəşid Behbudov küçəsində yüksək sürətlə hərəkətdə olarkən işıqforun qırmızı işığından keçib. Bu barədə "Report" məlumat yayıb.

Nəticədə onun 28 May küçəsindən gələn Əsgərov Elvin Əsgər oğlunun idarə etdiyi "Nissan Sunny" markalı avtomobil onun maşınına çırpılıb. BMW-də olan sərnişinlərdən biri ağır xəsarət alıb. Hadisə şahidlərinin sözlərinə görə, BMW-nin sürücüsü E.Adıgözəlov sərxoş vəziyyətdə olub. O, yol polislərinin "saxla!" əmrinə tabe olmayıb. Faktla bağlı Nəsimi Rayon Polis İdarəsində araşdırma aparılır.

E.Adıgözəlovun Dövlət Gömrük Komitəsində vəzifə sahibi olan Nüsrət Adıgözəlovun oğlu olduğu bildirilir.

Həmin şəxs bir neçə ay öncə sərxoş vəziyyətdə Heydər Əliyev prospektində avtoxuliqanlıq edib. O, Yol Patrul Xidmətinin qanuni "saxla!" əmrinə tabe olmayaraq şəhər ərazisində təhlükəli manevrlərə yol verib və saxlanılaraq inzibati məsuliyyətə cəlb olunub. Sürücü məhkəmənin qərarına əsasən, 15 gün müddətinə həbs edilib.

 

Zərər görən avtomobil

 

ŞƏRH YAZ
OXŞAR XƏBƏRLƏR
SON DƏQİQƏ