SON DƏQİQƏ

14:46 - Hacıqabul rayon Qubalıbalaoğlan kənd Bələdiyyə sədri Əsgərov Mircəfər, kənd sakini Ağaşova Xurma xanımdan 200 manat alıb qoyub cibinə

10:01 - Oqtay Şirəliyevin tikinti maxinatoru Qəhrəman Qəhrəmanov kimdir?

22:27 - Xalqxeber.Az xəbər portalının Baş redaktoru Peyman Sadıqov Mehriban xanım Əliyevaya müraciət etdi...

11:51 - Qax Rayon 13 saylı Yol İstismar İdarəsinin rəisi Əhməd Mirzəbəyovun nailiyyətləri

11:18 - Coşqun Əhmədzadə kimdir: Gömrük məmuru yoxsa sahibkar?

11:01 - Zaqatalada Icra başçısının yaraddığı xaus nə qədər davam edəcək?

23:05 - Cəlilabadda idarə rəisinin müthiş korrupsiya əməlləri...

15:13 - Şəhid ailəsindən evinin damının vurmasına görə 2000 manat pul tələb edən kimdir?

14:14 - Əhməd Əhmədzadə Dünya Azərbaycanlılarının Həmrəylik günü münasibəti ilə xalqı təbrik etdi

20:13 - Rafiq Hüseynov adına 10 saylı şəhər poliklinikası ilin poliklinkası seçildi

14:17 - Xalqın vətənpərvər evladı, Binəqədi rayon DYP Şöbəsinin rəisi, polkovnik-leytenant Cəmşid Hənifəyev

13:06 - Taleh Azay oğlu Qaraşov “Həmrəylik” günü münasibəti ilə xalqı təbrik etdi.

21:33 - Rahat marketlərdə müştəri məmunluğu yoxdur və şikayətlərə baxılmır.

16:22 - Zərdab rayon Polis Şöbəsinin cinayət axtarış bölməsinin əməliyyatçısı Polis Leytinantı Anar Kamil oğlu Baxışlı, Azərbaycan Respublikası Prezidenti İlham Əliyev cənablarını təbrik etdi.

16:05 - Millət Vəkili Nizami Səfərov Azərbaycan Respublikası Prezidenti İlham Əliyev cənablarını təbrik etdi.

PressDent.Info

“Hər şey prezidentə məktubumdan sonra başladı…”

“Hər şey prezidentə məktubumdan sonra başladı…”
7-10-2016, 17:04 27492 dəfə baxılıb

“Prezidentə yazdım, polislər həyətə tökülüşüb narkotik axtarmağa başladılar”

İsmayıllının Qubaxəlilli kənd sakininin deməsinə görə, prezidentə məktub yazması ona baha oturub. Polislər yaşadığı həyətə narkotik axtarmağa gəliblər.

“Kəndimizin torpaqlarının kənd camaatına deyil, kənardan gələn işbazlara uzunmüddətli istifadəyə verilməsinə etiraz olaraq dəfələrlə prezidentə şikayət məktubu göndərmişəm. Eyni zamanda, kənd bələdiyyəsinin sədri ilə bağlı Baş Prokuror Yanında Korrupsiyaya Qarşı Mübarizə İdarəsinin qaynar xəttinə şikayətlər etmişəm. Həmin şikayətlərimdə kəndimizin torpaqlarının xeyli hissəsini məmurların zəbt etdiyini də bildirmişəm. İndi başımı ağrıdırlar”.

“YA PULU ÖDƏMƏLİYƏM, YA DA…”

İsmayıllının Qubaxəlilli kənd sakini Rüstəm Hüseynov şərlənib həbs olunacağından narahatdır.

Bir müddətdir ki, o, kənddəki torpaqların kənardan gələnlərə yox, elə kəndlilərə verilməsini tələb edir. AzadlıqRadiosu-na danışır ki, bələdiyyə sədrinin və icra başçısının hərəkətlərindən prezidentə yazandan sonra bələdiyyə sədri onu “işgüzar nüfuzuna xələl gətirilməsi” iddiası ilə məhkəməyə verib. İsmayıllı rayon Məhkəməsi kəndlidən 2014 manat alınıb bələdiyyə sədrinə təzminat kimi ödənilməsi üçün Qətnamə çıxarıb:

“Prezident deyir, ay vətəndaş, səni incidirlərsə, mənə müraciət elə. Mən də prezidentimə arxayın olub ona müraciət eləmişəm. Bu müraciətimə görə bələdiyyə sədri məni məhkəməyə verib, məhkəmə də vətəndaşın yox, onun tərəfində dayanıb. İndi prezident gəlsin, arxamda dayansın. Ya pulu ödəməliyəm, ya da əmlakım əlimdən alınacaq”.

“TORPAQ SAHƏLƏRİ ÖZLƏRİNƏ QAYTARILSIN”

Rüstəm Hüseynov deyir, kənddə işsizlik hökm sürür. 10 min hektardan çox əkinə yararlı torpaq sahələri ola-ola, adamlar ac-susuz qalıb. Prezidentə yazdığı məktublarda xahiş edib ki, məmurlar tərəfindən “işğal olunmuş” torpaq sahələrini “azad edib” özlərinə qaytarsın. Yuxarı instansiyalardan xahiş və tələb edib ki, kənd bələdiyyəsinin qanunsuz, özbaşına əməlləri araşdırılsın, hüquqi qiymət verilsin. Bu da rayon məmurlarının xoşuna gəlməyib.

Kəndlinin deməsinə görə, məhkəməyə verilməsi az imiş, bu il sentyabrın 19-da 14 nəfərlik polis dəstəsi yaşadığı ünvana narkotik axtarmağa gəlib:

“Qoca ata-anama zor tətbiq ediblər. Azyaşlı övladımın qorxudan dili tutulub. Əraziyə təcili tibbi yardım çağırılıb. Qonşularım da şahiddir. Həyətə tökülüşüb narkotik axtarırdılar. Özbaşına gəlməmişdilər. Rayonun yüksək vəzifəli məmurlarının sifarişi idi. Ancaq heç nə tapa bilmədilər. Çünki qonşuların və biz ciddi nəzarət elədik ki, özləri ilə gətirdikləri narkotiki həyətə ata bilməsinlər. Sabahı gün icra başçısı və polis rəisi məndən, atamdan və üç qardaşımdan icra başçısının kabinetində üzr istədilər. O zaman onların əməllərini ictimailəşdirmədim. Düşündüm ki, “olan olub, daha üzr də istəyiblər”. Ancaq sonra gördüm ki, yox, bu adamların əməllərini ifşa etmədikcə, daha çox zərərini görməyə başlayırıq”.

“PREZİDENT KƏNDLİSİNƏ SAHİB ÇIXSIN”

Rüstəm Hüseynovun ölkə prezidentindən istəyi odur ki, “bu qədər məmurla torpaq savaşına çıxmış kasıb, kimsəsiz kəndlisinə sahib çıxsın, onun arxasında dayansın”.

İsmayıllı rayon Polis Şöbəsindən Qubaxəlilli kənd sakini Rüstəm Hüseynovun yaşadığı ünvanda narkotik axtarışı ilə bağlı suallara cavab verən olmayıb.

İsmayıllı rayon İcra Hakimiyyətindən “Qaynar xətt”ə Rüstəm Hüseynovun dediklərini təkzib ediblər. Qurumdan bildirilib ki, başçı ilə bağlı deyilənlər yalandır.

“NİYƏ MƏHZ O EVƏ GEDİBLƏR?”

Qubaxəlilli kənd bələdiyyəsinin sədri Mirzəağa Mirzəxanov məsələyə belə münasibət bildirib:

O adamla heç danışmıram, düşüncələri tamam başqadır. Kəndin torpaqları adamların mülkiyyətindədir. Kimsə öz torpağını satırsa, buna mən neyləməliyəm? Tutaq ki, mən torpağımı satmıram, kim gəlib məndən onu ala bilər? Kimsə əkib becərə bilmir, texnikası, toxumu yoxdursa, torpağını satır, sənin kimi biri də gəlib alır, burda mənlik nə var ki…

Rüstəm Hüseynov deyir, sizdən və başçıdan prezidentə şikayət yazandan sonra yaşadığı ünvana polislər gəlib, narkotik axtarıb. İddia edir ki, bu işdə sizin əliniz var…

Kənddə 460 evdən niyə məhz o evə gediblər? Bu sualı ona niyə vermirsiz? Ağzına gələni danışır. Qapısında bir toyuq, qaz saxlaya bilmir, deyir dövlət buna nəsə eləsin. Adama deyərlər, “get işlə, canın çıxsın, başını saxla”.

ŞƏRH YAZ
OXŞAR XƏBƏRLƏR
SON DƏQİQƏ