SON DƏQİQƏ

PressDent.Info

"Bir qadın olmalı Həyatınızda"

9-04-2017, 18:13 30885 dəfə baxılıb

Bir qadın olmalı həyatınızda

Görməkdən bezmədiyiniz.

Dağılmış saçlarını toplamağa çəkinmədiyiniz

Yanınızdan keçərkən bir damın altındaa

Təsadüfi toxunuşundan diksinmədiyiniz.

Bir qadın olmalı həyatınızda

İllər keçsə də

Uşaqcıl ruhunuzu göstərməkdən qaçınmadığınız.

Səhərlər ümidi olduğunuz

Gündüzlər dayağı,

Gecələr həyatının bir anı olduğunuz …

 

Göz-gözə gələrkən gözləriniz gülməli

Baxışlarınızla sevməli

Gülüşünüzlə təzim eyləməli.

Bir qadın olmalı.

Elə bir qadın ki…

Sevişmədən

Pillə-pillə

Addım-addım

Nəfəs-nəfəs kəşf elədiyiniz

Sevişməyə tələsmədiyiniz….

 

Başını çiyninizə qoyub ağlaya bilməli

Çox böyük səbəbdən deyil

Sadəcə yanınızda olmanın vermiş olduğu

Hüzur damcıları olmalı

O yaşlar qəlbinizin közünü ovutmalı.

Arındırmalı bütün kin-nifrətdən

Məhəbbətlə doldurmalı.

 

Bir qadın olmalı.

Qəlbinizə imza atmağa tələsməli, kağıza deyil

Qəlbinizə hökm eləməli, həyatınıza deyil

Sakit dalğa olmalı, fırtına deyil

Tərkedilməz gəminin kapitanı kimi

Təlatümlü dalğalarda tərk etməməli

Limanda belə sakininiz olmalı

İlk olması önəmli deyil

Son sahibiniz olmalı.

****

Hər gün bir az

Bu həyatı , yaşamağı sevmirəm.

Bəzən niyə doğulmuşam

Bu dünyada artıq yerə sıxışmışam

Niyə nəfəs qıtlığında

boş bir nəfəs saxlamışam

anlamıram, bilmirəm…

Kədərlərim yaşamağı rəngləndirən yeganə hiss

Niyə mənim güvəndiyim bütün dağlar

Təbiətin xəyanətkar tarixinə salır bir iz…

Niyə axı… niyə axı…

Mən olmasam sanki bəşər

Bədbəxtliyin girdabında qalacaqdı

Mənim payıma düşəni paylasalar

Bütün dünya doyacaqdı…

Ağırlaşan çiyinlərim

Hər gün bir az qəddim əyir

Niyə bir insan balası

Çox yorğunsan,

bir az dinlən, mənim balam, Söyləməyir…

Alışdığım otaq dostum tənhalıqdı

Mənim ən gözəl əyləncəm

Yandırdığım ocağımda rəqs eləyən alovumdu…

Sehrli bir aynam da var

O aynaya baxdığnda

yetmişində olan qarı

Otuzunda yorğun düşmüş qadın olar…

****

Kişiləri sevin ,əzizləyin!

Sandıqınız qədər də güclü deyil onlar

Çox olur onların can sıxıntısı,bildirməzlər.

Kədərlənməyə qoymayın!

Aqlamaqı bizim kimi bilməz onlar.

Göz yaşları bəbəklərində quruyar,

Axıb,cıqır salmaz yanaqlarına

Kimsələr görməsin deyə…

Anlayın ,onları!

Nə zaman gözləri yol çəksə

Bir gizli “ah” eşitsəz,

Görməzlikdən gəlin,amma

Duyun onları!

Bəlkə pulu yoxdur deyə üzülmüşdür

Amma baxın,

pulla alınmayan təbəssümümüz var.

Güldürün üzünü onların!

Yorulanda evinə tələssin,

sevdiyi yeməklıər bişsin adına.

“Səninçün bişirdim” deyin.

Onsuzda ən sevdiyi hissəni tək yeməz “O”

Saxlayar can parçasına.

Onunçun geyinin,ətirlənin

Ərisin baxışlarınızla güclü görkəmi

Hopsun köynəyinə saçınızın qoxusu

Unutsun bütün yorqunluqu

Nəfəsinizin,əllərinizin təmasında.

Bitməsin o xoşbəxtlik

Dörd divarın arasında

Yer ilə göy arasında…

Heç bitməsin!!!

ŞƏRH YAZ
OXŞAR XƏBƏRLƏR
SON DƏQİQƏ