SON DƏQİQƏ

PressDent.Info

Deputat maaşı minimum əməkhaqqından 12 dəfə çoxdur

Deputat maaşı minimum əməkhaqqından 12 dəfə çoxdur
8-01-2018, 19:38 6525 dəfə baxılıb

Milli Məclisin deputatlarının əmək haqlarında heç bir artım baş verməyib”.

Bunu APA-ya açıqlamasında Milli Məclisin İşlər müdiri xidmətinin Maliyyə şöbəsinin müdir müavini Cavid Möhbalı deyib.

O qeyd edib ki, bununla bağlı yayılan məlumatlar həqiqəti əks etdirmir.

“Deputatların maaşlarının 800 manat artması ilə bağlı məlumatlar əsassızdır. 2018-ci ilin büdcəsində MM-ə ayrılan vəsaitin artmasından irəli gələrək deputatların xarici ezamiyyət xərclərində artım nəzərdə tutulur. Bu, əvvəlki illə müqayisədə müəyyən artımdır, lakin qeyd olunan rəqəm qədər deyil. Deputatların əmək haqqında isə heç bir artım yoxdur. Artım olsaydı, bunu ilk olaraq biz bilərdik. Çünki əməkhaqqını deputatların kartlarına biz köçürürük. Bizə isə belə bir tapşırıq, təlimat gəlməyib”, – deyə o bildirib.
Hazırda MM sədrinin aylıq vəzifə maaşı 2250 manat, MM sədrinin birinci müavininin maaşı 2025 manat (MM sədrinin aylıq vəzifə maaşının 90 faizi miqdarında), MM sədrinin müavininin maaşı 1912,5 manat (MM sədrinin aylıq vəzifə maaşının 85 faizi miqdarında), MM-in komitə sədrinin maaşı 1800 manat (MM sədrinin aylıq vəzifə maaşının 80 faizi miqdarında), MM-in komitə sədrinin müavininin maaşı 1687,5 manat (MM sədrinin aylıq vəzifə maaşının 75 faizi miqdarında), MM-in deputatının maaşı isə 1575 manatdır (MM sədrinin aylıq vəzifə maaşının 70 faizi miqdarında).
Qeyd etmək lazımdır ki, dövlət başçısının bu yaxınlarda imzaladığı sərəncama əsasən ölkədə minimum əməkhaqqı 130 manat məbləğində müəyyənləşdirilmişdir.

ŞƏRH YAZ
OXŞAR XƏBƏRLƏR
SON DƏQİQƏ