SON DƏQİQƏ

PressDent.Info

1.4 milyard dollara başa gəlmiş “Şahdağ” kompleksi 18 milyon ziyan edib

1.4 milyard dollara başa gəlmiş “Şahdağ” kompleksi 18 milyon ziyan edib
30-12-2017, 14:29 5916 dəfə baxılıb

“Vergi uçotu ilə hesablama aparılarsa 13 milyon 441,7 min manat zərər yaransa da, büdcədən zərərin ödənilməsi məqsədi ilə ayrılan vəsait hesabına “Şahdağ Turizm Mərkəzi” QSC-nin 2016-cı ili əsas fəaliyyəti üzrə 1 milyon 805,2 min manat mənfəətlə başa vurduğu məlum olur”.

Bu barədə məlumat Hesablama Palatasının “Mədəniyyət və Turizm Nazirliyinin tabeliyində olan “Şahdağ Turizm Mərkəzi” QSC-nin 2016-cı il üzrə maliyyə-təsərrüfat fəaliyyəti əhatə olunmaqla 2017-ci ilin fevral ayının 1-dən mart ayının 16-sı tarixinədək maliyyə-təsərrüfat fəaliyyətinin təhlilinə dair hesabatında yer alıb.

Sənəddə qeyd olunub ki, Cəmiyyət üzrə 2016-cı ilin 31 dekabr tarixinə təqdim olunan məlumatlara əsasən satışın maya dəyərinin tərkibində ən yüksək çəkiyə əməyin ödənişi üzrə xərclər (37,7%) və amortizasiya ayırmaları (30,7%) təşkil edib. Qeyd olunur ki, əmək haqqı və sosial sığorta ayırmaları üzrə xərclər satışın maya dəyərində yüksək xüsusi çəkiyə malik olmaqla yanaşı, əsas fəaliyyət üzrə gəlirlərdən 1003,0 min manat (35,9%) çox olub.

Cəmiyyətin 2016-cı il 01 mart tarixinə kassasında pul qalığı olmayıb, mart-dekabr ayları ərzində əsas xidmətlərdən 2 milyon 169,8 min manat, bankdakı hesablaşma hesabından isə 100,0 min manat olmaqla cəmi 2 milyon 269,8 min manat pul vəsaiti mədaxil olunub, bundan 243,9 min manat əmək haqqına, 17,8 min manat malların alınmasına, 36,9 min manat işçilərin ezamiyyət xərclərinin ödənilməsinə, 22,2 min manat iş və xidmətlərin haqqının ödənilməsinə xərclənib, 17,5 min manat kassadan geri qaytarılıb, 1 milyon 592,3 min manat vəsait isə bankdakı hesablaşma hesabına köçürülüb, 2017-ci il 01 yanvar tarixinə mərkəzi kassasında qalıq pul vəsaiti 339,0 min manat təşkil edib.

Hesabat ilində satışdan 3 milyon 26,1 min manat və zərərin ödənilməsi üçün dövlət büdcəsindən 17 milyon 991,4 min manat pul vəsaiti daxil olub, bundan 2 milyon 105,1 min manatı ƏDV kimi büdcəyə, 6 milyon 347,5 min manatı “Şahdağ” Qış-Yay Turizm Kompleksinin Müdiriyyətinin borcuna, 11 milyon 571,7 min manat fəaliyyəti ilə bağlı mal (iş və xidmətlərin) alışına, 295,6 min manatı isə əsas vəsaitlərin əldə olunmasına yönəldilib və 01.01.2017-ci il tarixə qalıq pul vəsaitləri 697,6 min manat təşkil edib.

Bir neçə il əvvəl yayılmış rəsmi məlumata görə kompleksin tikintisi 1.4 milyarda başa gəlib.Büdcə pulları hesabına tikilmiş bu kompleksə büdcədən 18 milyon manatlıq dotasiya ayrılması kompleksin növbəti avantüra olduğunu sübut edir.

ŞƏRH YAZ
OXŞAR XƏBƏRLƏR
SON DƏQİQƏ