SON DƏQİQƏ

PressDent.Info

Rusiya ərzaq embarqosunu daha 5 ölkəyə genişləndirib

Rusiya ərzaq embarqosunu daha 5 ölkəyə genişləndirib
13-08-2015, 22:37 28637 dəfə baxılıb

Rusiya ərzaq embarqosunu tətbiq etdiyi ölkələrin siyahısını genişləndirib.
 
Müvafiq qərarı baş nazir Dmitri Medvedev imzalayıb.
 
BBC-yə istinadən bildirir ki, sanksiyalar Albaniya, Monteneqro, İslandiya və Lixtenşteynə aid edilib. Ukrayna siyahıda "xüsusi şərtlər" olan ölkələr sırasındadır.
 
İnformasiya agentliklərinə əsasən, Ukraynaya qarşı idxal məhdudiyyətləri Avropa İttifaqı ilə Kiyev arasında Assosiasiya Sazişinin işə düşməsi təqdirində qüvvəyə minəcək.
 
"Sanksiyalara əlavə ölkələrin qoşulması o deməkdir ki, onlar Rusiyanın cavab addımlarına hazırdır", - baş nazir Dmitri Medvedev deyib.
 
İyul ayının sonunda Albaniya, Monteneqro, İslandiya, Lixtenşteyn və Ukrayna Avropa İttifaqının Rusiyaya qarşı sanksiyalarına qoşulublar.
 
Bundan əvvəl isə Aİ Krımın ilhaqı və Rusiyanın Ukraynadakı roluna görə elan etdiyi iqtisadi sanksiyalar müddətinin 6 aya uzadılması barədə qərar qəbul edib.
 
2014-cü ildə Moskva Rusiyaya qarşı sanksiyalara qoşulan ölkələrdən ərzaq idxalının məhdudlaşdırılacağını elan edib.

ŞƏRH YAZ
OXŞAR XƏBƏRLƏR
SON DƏQİQƏ