Parolimpiya oyunlarında Rusiya bayrağını daşıyan belorus

Parolimpiya oyunlarında Rusiya bayrağını daşıyan belorus - FOTO

8-09-2016, 23:52 30015 dəfə baxılıb

Beynəlxalq Parolimpiya Komitəsi Rio Olimpiyadasının açılış mərasiminə Rusiya bayrağı ilə gələn Belorusiya Yığması nümayəndiliyinin üzvlərindən birinə qarşı istintaqa başlayıb.

Qeyd edək ki, həmin şəxsdən bayrağı müsadirə edənə kimi, o, stadionun ¼-ni gəzmişdi.

BPK qanun pozucusunun şəxsiyyətini müəyyənləşdirmək və onu cəzalandırmaq fikrindədir.

Xatırladaq ki, Beynəlxalq Paralimpiya Komitəsi (BPK) Rusiya yığmasını dopinq qalmaqalına görə, Rio-2016 Paralimpiya Oyunlarında çıxışdan məhrum edib.

BPK prezidenti Filip Kreyven bu barədə Rusiya mətbuatına açıqlama verib: “Məsələ hansısa konkret bir idman növündə qeydə alınana qanun pozuntusundan getmir. Əsas problem dopinq sisteminə dövlətin verdiyi dəstəkdir”.

Qeyd edək ki, bu qərar Beynəlxalq Antidopinq Komitəsinin (WADA) hesabatı ilə tanış olduqdan sonra verilib. Bu addım Riçard Maklarenin Rusiya idmanında dopinqin mövcudluğu barədə hazırladığı məruzəyə əsasən atılmışdı. O, rusiyalı paralimpiyaçıların müsbət nəticə verən, ən azı, 35 dopinq analizinin 2011-2015-ci illərdə itirildiyini iddia edib.

İdmançıların oyundan kənarlaşdırılması qərarından sonra Belorus nümayəndəliyi rus parolimpiyaçıları dəstəkləmək üçün açılış mərasimində RF bayrağını daşıyacaqlarına söz vermişdi. Lakin BPK bunu siyasi jest kimi dəyərləndirəcəklərini bildirərək, bu addımı qadağan etmişdi.