SON DƏQİQƏ

PressDent.Info

25 ildə 4406 azərbaycanlı Almaniya vətəndaşlığı alıb

25 ildə 4406 azərbaycanlı Almaniya vətəndaşlığı alıb
8-01-2018, 19:34 6612 dəfə baxılıb

1992-2016-cı illərdə 4406 Azərbaycan vətəndaşı Almaniya vətəndaşlığı alıb.

Bu barədə Report agentliyinin sorğusuna cavab olaraq Almaniyanın Federal Statistika İdarəsindən bildiriblər.

Azərbaycan vətəndaşlarına Almaniya vətəndaşlığı verilməsi ilə bağlı ən yüksək göstərici 2006-cı ildə qeydə alınıb. Həmin il 398 azərbaycanlı Almaniya pasportu alıb. Bu sahədə ən aşağı göstərici isə 1996-cı ilin payına düşür. Belə ki, qeyd edilən il cəmi 2 nəfər Azərbaycan vətəndaşı Almaniya pasportu əldə edib.

Məlumata görə, Almaniya vətəndaşlığı alan şəxslərin 2244 nəfəri, yaxud 50,9%-i qadın, 2162 nəfəri, yaxud 49,1%-i isə kişidir.

Federal Statistika İdarəsinin məlumatına görə, 1996-cı ildə Azərbaycan vətəndaşı olan qadınlardan Almaniyada vətəndaşlıq alan olmayıb. Bu cəhətdən ən yüksək göstərici isə 2006-cı ildə qeydə alınıb. Qeyd edilən dövrdə 186 azərbaycanlı qadın bu ölkənin pasportunu əldə edib.

Kişilərlə bağlı ən aşağı göstərici 1994-cü ildə, ən yüksək nəticə isə 2006-cı ildə qeydə alınıb. Belə ki, həmin illərdə müvafiq olaraq 1 və 212 azərbaycanlı kişi Almaniya vətəndaşlığı alıb.

ŞƏRH YAZ
OXŞAR XƏBƏRLƏR
SON DƏQİQƏ