SON DƏQİQƏ

PressDent.Info

Cahangir Əsgərovun qızına məxsus zavodda güclü yanğın VİDEO

Cahangir Əsgərovun qızına məxsus zavodda güclü yanğın VİDEO
20-09-2017, 10:39 5046 dəfə baxılıb

“Gazelli” kosmetika zavodunun anbarında baş verən yanğın zamanı 10 nəfər tüstüdən zəhərlənib.
Səhiyyə Nazirliyinin mətbuat xidmətinin rəhbəri Liya Bayramova APA-ya bildirib ki, tüstüdən zəhərlənən 1 qadın və 9 kişiyə yerində yardım göstərilib.
Onların hamısının vəziyyəti yüngül olub, heç kim xəstəxanaya aparılmayıb.
İlkin tibbi yardım göstərildikdən sonra onlar evə göndəriliblər.
“Gazelli Group” şirkətinin mətbuat xidmətinin rəhbəri Yelena Sidorenko “Facebook” səhifəsində yazıb ki, şirkətə məxsus anbarların birində qısaqapanma baş verib.
“Qısaqapanmanın yanğına çevrilməsinin qarşısı qısa müddət ərzində alınıb. Hazırda heç bir problem yoxdur. Hadisə zamanı şirkət əməkdaşlarının və ətrafda olan insanların sağlamlığına heç bir zərər dəyməyib. Bəzi KİV-də guya hadisə zamanı bir neçə insanın halının pisləşməsi ilə bağlı yayılan məlumatlar həqiqəti əks etdirmir. Hadisənin nədən baş verdiyi ilə bağlı araşdırmalara başlanılıb, istintaq davam edir, nəticələr ictimaiyyətə açıqlanacaq”, – deyə Y. Sidorenko qeyd edib.
***

Xəzər rayonun Şüvəlan qəsəbəsində “Gazelli” kosmetika zavodunda yanğın başlayıb. Hadisə şahidlərinin BAKU.WS-ə verdiyi məlumata görə, yanğın nəticəsində kimyəvi maddənin kəskin qoxusu ətrafa yayılıb. Nəticədə bir neçə nəfərin vəziyyəti pisləşib.

FHN-dən bildiriblər ki, yanğın söndürən maşınlar artıq hadisə yerində işləyirlər.

Bu kosmetika brendi “Azal” prezidenti Cahangir Əsgərovun qızı Cəmilə Əsgərovaya məxsusdur. O, Gazelli Azerbaijan kosmetika şirkətinin təsisçisi və kreativ direktorudur.

ŞƏRH YAZ
OXŞAR XƏBƏRLƏR
SON DƏQİQƏ