SON DƏQİQƏ

11:36 - Azərbaycan ziyallısı, Millət Vəkili Aqil Məmmədovla tanışlıq

14:46 - Hacıqabul rayon Qubalıbalaoğlan kənd Bələdiyyə sədri Əsgərov Mircəfər, kənd sakini Ağaşova Xurma xanımdan 200 manat alıb qoyub cibinə

10:01 - Oqtay Şirəliyevin tikinti maxinatoru Qəhrəman Qəhrəmanov kimdir?

22:27 - Xalqxeber.Az xəbər portalının Baş redaktoru Peyman Sadıqov Mehriban xanım Əliyevaya müraciət etdi...

11:51 - Qax Rayon 13 saylı Yol İstismar İdarəsinin rəisi Əhməd Mirzəbəyovun nailiyyətləri

11:18 - Coşqun Əhmədzadə kimdir: Gömrük məmuru yoxsa sahibkar?

11:01 - Zaqatalada Icra başçısının yaraddığı xaus nə qədər davam edəcək?

23:05 - Cəlilabadda idarə rəisinin müthiş korrupsiya əməlləri...

15:13 - Şəhid ailəsindən evinin damının vurmasına görə 2000 manat pul tələb edən kimdir?

14:14 - Əhməd Əhmədzadə Dünya Azərbaycanlılarının Həmrəylik günü münasibəti ilə xalqı təbrik etdi

20:13 - Rafiq Hüseynov adına 10 saylı şəhər poliklinikası ilin poliklinkası seçildi

14:17 - Xalqın vətənpərvər evladı, Binəqədi rayon DYP Şöbəsinin rəisi, polkovnik-leytenant Cəmşid Hənifəyev

13:06 - Taleh Azay oğlu Qaraşov “Həmrəylik” günü münasibəti ilə xalqı təbrik etdi.

21:33 - Rahat marketlərdə müştəri məmunluğu yoxdur və şikayətlərə baxılmır.

16:22 - Zərdab rayon Polis Şöbəsinin cinayət axtarış bölməsinin əməliyyatçısı Polis Leytinantı Anar Kamil oğlu Baxışlı, Azərbaycan Respublikası Prezidenti İlham Əliyev cənablarını təbrik etdi.

PressDent.Info

Evləri dağılanlar daş-kəsək arasında gecələyir

Evləri dağılanlar daş-kəsək arasında gecələyir
3-05-2017, 16:12 27927 dəfə baxılıb

«Srağagün iki evi söküb getdilər, elə burda gecələyirik, dağıntıların arasında… Adamlar işə-gücə getmirlər ki, gəlib olan-qalanı da dağıdarlar. Evin ətrafında dolaşırlar ki, biri evdən çıxan kimi, tez texnikanı çağırıb söksünlər. Bir tərəfdən polislər gəlib şöbəyə aparmaqla hədələyirlər, bir tərəfdən şirkətin işçiləri gəlir, psixoloji təsir göstərirlər ki, onsuz da söküləcək. Vallah, ölürük taa..».

Bunu AzadlıqRadiosuna Nəsimi rayonu, Mirqasımov küçəsi, 8 ünvanda yaşayan Gülparə Əliyeva deyir. Bu ünvanda çoxdandır planlaşdırılan söküntünün bir hissəsi 3 gün öncə baş tutub. Özü də sakinlər evdə olmayanda… Aprelin 30-da elə söküntü ilə bağlı məhkəmə işinə görə Nəsimi rayon Məhkəməsinə gedən sakinlər qayıdanda görüblər ki, evləri əşyaları ilə birlikdə ağır texnika ilə dağıdılıb.

«İKİ EVİ YERLƏ-YEKSAN ETDİLƏR»

Gülparə Əliyeva: «Gəldik gördük, şirkətin işçiləri, fəhlələr, polis evlərimizi üzük qaşı kimi əhatəyə alıb. Gözümüzün qarşısında vurub iki evi yerlə-yeksan elədilər. Zorla qarşılarını aldıq ki, qalan evləri dağıtmasınlar. Polislər əl-ayağımızdan tutub kənara atırdı bizi… Hər iki evin sahibini sürüyüb apardılar, söküntüdən kənara atdılar. O yazıqlara kənardan əşyalarının, evlərinin dağıdılmasına qışqıra-qışqıra tamaşa etmək qaldı. Bu boyda özbaşınalıq olmaz, bu ölkənin sahibi var, ya yox?».

Bu ilin aprelində Nəsimi rayon İcra Hakimiyyəti qeyd olunan ərazidə söküntü aparılması üçün Nəsimi rayon Məhkəməsinə müraciət edib. Məhkəmə bu ünvandakı bir neçə fərdi evin sökülməsi, yerində tikiləcək binadan həmin ailələrə mənzil verilməsi ilə bağlı qətnamə çıxarıb. Məhkəmə hesab edib ki, sakinlər Bakıda istismar müddəti başa çatmış fərdi evlərin sökülərək yerində yeni evlərin tikilməsi ilə bağlı dövlətin pilot layihəsinə mane ola bilməzlər. Lakin sakinlər ərazidəki evlərin yerində tikiləcək evlərdən onlara mənzil veriləcəyinə bel bağlamırlar. Sakin davam edir: «Bu özündən razı şirkətlərdən müsbət gözləntilərimiz yoxdur. Müqavilələri də maraqlarımızın ziddinədir. İcra hakimiyyəti deyir, «mənlik bir iş yoxdur, gedin, şirkətlə danışın». Şirkət də adamlarını, texnikalarını töküb, nə sənə, nə mənə, evlərimizi əşyalarla birlikdə başımıza yıxır. Bu şirkət mənim qeydimə qalacaq, mənə ev tikib verəcək? Şirkətin marağı mənim yerimdə bina tikib, ev satıb pul qazanmaqdır».

SAKİNLƏR KOMPENSASİYA İSTƏYİRLƏR

Söküntü işlərini «Rifah Palace» şirkəti aparır. Şirkət sökülən evlərin yerində tikiləcək yeni binada sakinlərə ev veriləcəyini vəd edir. Sakinlərdən bina tikilib hazır olanadək kirayəyə köçmələri tələb olunur. Lakin bu tələblə razılaşmayan sakinlər sökülən evlərinin əvəzində kompensasiya istəyirlər.

Bu ilin fevralında evlərə kommunal xidmətlər dayandırılmışdı. Sakinlər AzadlıqRadiosuna şikayət etmişdilər. Nəsimi rayon İcra Hakimiyyətindən «Qaynar xətt»ə bildirilib ki, sakinlər əvvəl söküntü və kirayə şərtləri ilə razılaşsalar da, sonradan qərarlarını dəyişiblər. Qurum da məsələni məhkəmə yolu ilə həll etmək qərarına gəlib. Məhkəmə icra hakimiyyətinin şikayətini təmin edib. Məhkəmə qərarı qüvvəyə minməmiş söküntüyə başlamaqla bağlı suala isə belə cavab verilib ki, hazırda ərazidə söküntü dayandırılıb. İcra hakimiyyəti qarşı tərəfin yuxarı instansiya məhkəmələrinə müraciətləri ilə bağlı bütün prosedurları qanunun müəyyən etdiyi qaydada gözləyəcək.

ŞƏRH YAZ
OXŞAR XƏBƏRLƏR
SON DƏQİQƏ