SON DƏQİQƏ

PressDent.Info

“Yeni Müsavat”ın daha bir yalanı ifşa olundu FOTO

“Yeni Müsavat”ın daha bir yalanı ifşa olundu FOTO
23-08-2015, 19:58 25974 dəfə baxılıb

Qəzet AXCP-dən 2013-də həbsdəykən imtina edən birindən təzə "istefa bəyanatı" alıb

“Yeni Müsavat” qəzeti AXCP ilə bağlı növbəti yalana baş vurub. Qəzetin saytında bu gün keçmiş siyasi məhbus Rahib Hacıyevdən AXCP-dən istefa verib Razi Nurullayevin yanına getdiyi haqda açıqlama alıb dərc ediblər.

Bununla bağlı AXCP özünü facebook səhifəsində ifşaedici arayış yayıb.

“Hakimiyyət deyəsən, AXCP-yə aidiyyatı olmuş-olmamış kimi tapsa, ondan bu partiyadan istefa verdiyi haqda bəyanat alacağına and içib. Biz ifşa etməkdən bezdik, bunlar yalançı istefa açıqlamaları yaymaqdan yorulmadılar. Bu gün də AXCP-nin keçmiş üzvü, siyasi məhbus olmuş və həbsdəykən İlham Әliyevə məktub yazaraq, peşmançılığını bildirən, əfv diləyib AXCP-dən istefa verdiyini bəyan edən Rahib Hacıyevi tapıblar. Adamı göndəriblər "iqtidarın ən çox oxunan qəzeti", hazırda AXCP-yə qarşı "Razi əməliyyatı"nın informasiya dəstəkçisi olan "Yeni Müsavat"a ki, oradan bir "istefa" açıqlaması yay. O şər böhtan maşını da bu adamın türmədən İlham Әliyevə məktubunu hələ 2013-cü ilin dekabrında öz səhifəsindən tirajladığını unudubmuşcasına, ar eləmədən həmin açıqlamanı alıb, yayıb. Razi Nurullayevin mətbuat xidmətinə çevrilmiş o qəzetin yalanını elə onun öz arxivindən götürülən sübutla ifşa edirik. Buyurub, özlərini görsünlər” – deyə AXCP bildirir.

AXCP R.Hacıyevin həbsxanadan İ.Əliyevə məktub yazdığı haqda “Yeni Müsavat”ın saytında vaxtilə dərc olunmuş məlumatın fotosurətini də paylaşıb.

“Yeni Müsavat”ın daha bir yalanı ifşa olundu FOTO

ŞƏRH YAZ
OXŞAR XƏBƏRLƏR
SON DƏQİQƏ