SON DƏQİQƏ

PressDent.Info

Əhməd Əhmədzadə: Keçmişimizdən doğan gələcəyimiz...

Əhməd Əhmədzadə: Keçmişimizdən doğan gələcəyimiz...
19-08-2020, 12:52 181395 dəfə baxılıb

- Ulu öndər Heydər Əliyev müstəqil Azərbaycan dövlətinin təməlini hələ 1969-cu ildə respublikaya rəhbərliyinin birinci dövründə qoymuşdur. Sovetlərin tərkibində olduğu müddətdə respublikada milli hərbi kadrların hazırlığı məqsədilə hərbi məktəblərin açılması, ölkəmiz üçün zəruri sahələr üzrə peşəkar mütəxəssislərin hazırlanması üçün keçmiş İttifaqın ali məktəblərinə gənclərin göndərilməsi, Konstitusiyada Azərbaycan dilinin dövlət dili kimi təsbit olunması məhz ulu öndər Heydər Əliyevin adı ilə bağlıdır.

Gəlin, bugünkü Azərbaycanı 10 il əvvəlki illə müqayisə edək. Hər gün Azərbaycanın həyatında mühüm hadisə ilə yadda qalır. Artıq ölkəmiz beynəlxalq tədbirlərin keçirilməsi üçün əsas məkan olub. Dövlət başçısı İlham Əliyevin qeyd etdiyi kimi, əvvəlki illərdə ölkə reallıqlarını təbliğ etmək üçün bu və ya digər ölkəyə səfər etməyə böyük zərurət duyulurdusa, bu gün artıq Azərbaycan gündəlik belə təqdimatlarını edir. Hər həftə ölkəmizdə belə mühüm tədbirlər keçirilir.

Heydər Əliyev məktəbindən dərs alan cənab İlham Əliyev müxtəlif xarici dilləri öyrənməyə maraq göstərməklə Azərbaycan həqiqətlərinin dünya ictimaiyyətinə yüksək səviyyədə çatdırılması üçün bir imkan əldə etdi.

Dövlət başçısı İlham Əliyev daim bildirir ki, həyata keçirilən siyasətin əsasında Azərbaycan vətəndaşı dayanır. Atılan addımlara, görülən işlərə diqqət yetirsək, bu reallığı aydın şəkildə görə bilərik. Gerçəklikləri düzgün dəyərləndirmək lazımdır. Bu günümüz sabahımıza, sabahımız gələcəyimizə stimul olmalıdır.

Cənab İlham Əliyevin son on ildə ulu öndər Heydər Əliyevin siyasi kursunu uğurla davam etdirərək Azərbaycanı zirvələrə yüksəltməsindən qürur duyuram. Bu gün prezident seçkilərində cənab İlham Əliyevə səs verməklə Azərbaycanın uğurlu gələcəyinə səs vermiş olduq!

 Yeganə Nəsirli

 

ŞƏRH YAZ
OXŞAR XƏBƏRLƏR
SON DƏQİQƏ