SON DƏQİQƏ

PressDent.Info

Özbəkistanda bloklanmış medialara girişin açıldığı bildirilir

Özbəkistanda bloklanmış medialara girişin açıldığı bildirilir
15-05-2019, 18:32 3567 dəfə baxılıb

Özbəkistanda bundan əvvəl bloklanmış yerli və xarici kütləvi informasiya vasitələrinə giriş açılıb.

Bu barədə məlumatı özünün Facebook səhifəsində Özbəkistan prezidebntinin adminsitrasiyası yanında informasiya və kütləvi kommunikasiyalar agentliyinin rəhbəri Komil Allamjonov verib.

Maraqladır ki, bu media saytlarının bundan əvvəl bağlı olması faktını məmur “texniki nasazlıqlarla” izah edib.

Allamjonov yazır ki, “araşdırma nəticəsində sözü gedən veb resursların Özbəkistanda tammiqyaslı işinə mane olan müəyyən texniki nasazlıqlar müəyyən edilib və bu saytalrın işinin bərpası üçün tədbirlər görülüb”.

Rəsminin sözlərinə görə mayın 10-dan “Voice of America, Amerika ovozi, BBC Uzbek, Deutsche Welle, Amnesty International, Human Rights Watch, Reporters sans frontieres, Eurasianet.org, AsiaTerra, Fergana Agency, Centre1, Uzmetronom və başqa əcnəbi saytlara giriş tam bərpa olunacaq”.

Sadalanan medianın arasında AzadlıqRadiosunun Özbək xidmətinin – Ozodlik radiosunun adı yoxdur.

Allamjonov öz məlumatında ATƏT-in media azadlığı üzrə nümayəndəsi Harlem Désirə istinad edib.

Cənab Desir aprel ayında Özbəkistan hökumətini informasiya saytlarının bloklanmasına son qoymağa çağırmışdı.

ŞƏRH YAZ
OXŞAR XƏBƏRLƏR
SON DƏQİQƏ