SON DƏQİQƏ

10:38 - Fürsət düşən kimi hakimiyyəti idarə edənlər xalqa əsl üzlərin göstərillər.

13:46 - Beynəlxaql bankda müştəri hüquqları qorunmur.

16:40 - Salyan rayon ictimayyəti baş sağlığı verdi.

12:35 - Binəqədi sakinləri Rayon İcra Hakimiyyətinin başçısından narazılıq etdilər.

16:17 - Mədən hasilatı sənayesində dövlət və özəl şirkətlərin fəaliyyətinin effektliyi, beynəlxalq və yerli təcrübə, vətəndaş rəyi.

18:05 - Azərişıq ASC-nin Salyan filialinda nələr baş verir?

17:43 - 2017-ci il sentyabr ayının 14 də imzalanan sazişdə, yerli və Beynəlxalq şirkətlərin iştirakçılığında bərabər imkanlar haqqında.

09:10 - Mədən Hasilatı Sənayesində yerli şirkətlər və onların benefisiarları.

08:36 - Vətəndaşların təbii sərvətlərdən yararlanması və mədən hasilatı şirkətlərin benefisiarina çevrilmə prosessi.

08:23 - Birinci vitse-prezident Mehriban Əliyeva: Mən dünya birliyini baş verən bu hadisələrə laqeyd qalmamağa çağırıram

15:28 - “Azərsu” Açıq Səhmdar Cəmiyyətində səmərəli idarəçilik ilğım kimidir.

14:29 - “AZAL Qapalı Səhindar Cəmiyyətinin” fəaliyyətini prezidentdə tənqid edib.

09:00 - Naməlum milyonçunun aldığı kasıb bazarında nə baş verir... - (Fotolar)

00:20 - Birinci vitse-prezident Mehriban Əliyeva: Mən dünya birliyini baş verən bu hadisələrə laqeyd qalmamağa çağırıram

18:04 - Masazır Bələdiyyəsinin qoçuları yazıçını qanına qəltan etdi

PressDent.Info

ABŞ-ın rusiyalı milyarderlərə yeni sanksiyalar qoyacaq

ABŞ-ın rusiyalı milyarderlərə yeni sanksiyalar qoyacaq
6-04-2018, 19:14 22011 dəfə baxılıb

Birləşmiş Ştatlar Rusiyaya yeni sanksiyalar qoymağı və bu dəfə prezident Vladimir Putin-ə yaxın milyarderləri hədəfə almağı planlaşdırır. Bu haqda media yazır.

“Reuters” və “The Washington Post” anonimlik şərtiylə danışan ABŞ rəsmilərinə istinadla yazıblar ki, bir neçə rusiyalı milyarderə Moskvanın 2016-cı ildə ABŞ-da prezident seçkisinə iddia olunan müdaxiləsinə cavab olaraq sanksiya tətbiq ediləcək.

“The Post” sanksiyalara adları yanvarda Xəzinədarlıq Departamentinin açıqladığı siyahıda olan varlı şəxslərin məruz qalacağını qeyd edib. Həmin siyahıda Rusiyanın Gazprom nəhənginin rəhbəri Aleksei Miller, Rosneft dövlət neft şirkətinin rəhbəri Igor Sechin-in adları vardı.

“Reuters” yeni sanksiyaların aprelin 5-də, “The Post” isə aprelin 6-da açıqlana biləcəyini xəbərləyib.

“YETƏRİNCƏ BƏDƏL ÖDƏTDİRMƏMİŞİK”

Sonuncu dəfə sanksiyalar martın 15-də 19 fərdə və 5 təşkilata tətbiq edilmişdi. Onların içində Rusiyanın kəşfiyyat xidmətləri də vardı. O zaman ABŞ Maliyyə Nazirliyi seçkiyə müdaxiləni və son iki ildə Birləşmiş Ştatlara kiberhücumları əsas gətirmişdi.

Konqres prezident Donald Trump administrasiyasını Rusiyanı seçkiyə iddia olunan müdaxiləsinə görə çox az cəzaıandırmasına görə tənqid edir.

“The Post” yazıb ki, Trump-ın milli təhlükəsizlik müşavirləri son vaxtlar Rusiyaya qarşı daha çox sanksiya tələb ediblər. Səbəb də İngiltərədə rusiyalı keçmiş casusun zəhərlənməsinə görə Rusiyanın məsul tutulmasıdır.

ABŞ-ın milli təhlükəsizlik müşaviri postundan getməkdə olan H.R. McMaster bu həftə deyib ki, Moskvaya “yetərincə bədəl ödətdirə bilməmişik”. Ancaq həmin açıqlamadan bir neçə saat öncə Trump deyirdi ki, “Rusiyaya qarşı heç kim mənim kimi sərt davranmayıb”.

Seçkiyə müdaxilə iddiaları ucbatından ABŞ-Rusiya münasibətləri son vaxtlar xeyli kəskinləşib. Moskva həm bu, həm də keçmiş casusun sinir qazıyla zəhərlənməsində əli olmasıyla əlaqədar deyilənləri təkzib edir.

Martın 26-da Birləşmiş Ştatlar və digər Qərb ölkələri 150 rusiyalı diplomatın qovulmasıyla bağlı planlarını açıqlayıb. Moskva buna Qərb diplomatlarını qovmaqla cavab verib.

Kremlə qarşı tədbirlərdən dolayı Rusiyanın Vaşinqtondakı səfiri Anatoly Antonov bu yaxınlarda deyib ki, Birləşmiş Ştatların paytaxtında “zəhərli mühit” hökm sürür.

ŞƏRH YAZ
OXŞAR XƏBƏRLƏR
SON DƏQİQƏ