SON DƏQİQƏ

Dələduzluqda təqsirləndirilən iş adamı Vüsal Abazərli saxlandığı Bakı İstintaq İdarəsindən azadlığa çıxıb.

Bu barədə vəkil Elvin Səlimov məlumat verib. O, bildirib ki, dünən Yasamal rayon Məhkəməsinin qərarı icra edilib.

Qeyd edək ki, Vüsal Abazərli ticarətlə məşğul olan iş adamıdır. Ona Cinayət Məcəlləsinin 178.3.2( külli miqdarda dələduzluq) maddəsi ilə ittiham verilib. Verilən ittihamda onun şəhər sakininə qarşı 319 min manat və 43 min dollar dələduzluq etdiyi bildirilib. Dünən Yasamal rayon Məhkəməsində Yasamal rayon polis idarəsinin istintaq şöbəsinin müstəntiqinin vəsatəti və prokurorluğunun təqdimatına baxılıb. Prosesdə qərar elan edilib. Qərara əsasən polis və prokurorluğun təqdimatı təmin edilməyib.

***

Məhkəmədən 6 nəfərə qarşı dələduzluqda təqsirləndirilən Telman Xudaverdiyevin cinayət işi üzrə məhkəmə başa çatıb.

Bakı Ağır Cinayətlər Məhkəməsində hakim Faiq Qəniyevin sədrliyi ilə keçirilən prosesdə hökm oxunub. Hakimlər kollegiyasının hökmü ilə Telman Xudaverdiyev 7 il müddətinə azadlıqdan məhrum edilib. Onun barəsində Cinayət Məcəlləsinin 70-ci ( şərti) cəza tədbiq edilib. 3 il sınaq müddəti olaraq məhkəmə zalından azadlığa buraxılıb.

Qeyd edək ki, 6 vətəndaşa qarşı dələduzluq əməli törədən Telman Xudaverdiyev Cinayət Məcəlləsinin 178.3.2( külli miqdarda ziyan vurmaqla dələduzluq) maddəsi ilə ittiham olunub. Məhkəmə istintaqı zamanı o dəymiş ziyanı ödəyib.