SON DƏQİQƏ

15:06 - Vətənpərvər insan Azərsu” Açıq Səhmdar Cəmiyyətinin sədri Qorxmaz Hüseynov

20:43 - Sakinlərdə Binəqədi rayonu 92 saylı mənzil-kommunal istismar sahəsinin rəhbərindən razılıq edirlər.

23:53 - Sərhədsiz həkimlər beynəlxalq təşkilatının monitoring qrupu Azərbaycandakı klinikalarda oldular.

13:42 - Azərbaycan ziyallısı Xaçmaz Rayon Polis Şöbəsinin rəisi Polis Polkovnik Leytenantı Həmid Həsənov

09:29 - Azərbaycan müəllimi, Biləsuvar şəhər Ə.Eynullayev adına 4 saylı tam orta məktəbin direktoru Ağazadə Elşən Mirilham oğlu...

11:36 - Azərbaycan ziyallısı, Millət Vəkili Aqil Məmmədovla tanışlıq

14:46 - Hacıqabul rayon Qubalıbalaoğlan kənd Bələdiyyə sədri Əsgərov Mircəfər, kənd sakini Ağaşova Xurma xanımdan 200 manat alıb qoyub cibinə

10:01 - Oqtay Şirəliyevin tikinti maxinatoru Qəhrəman Qəhrəmanov kimdir?

22:27 - Xalqxeber.Az xəbər portalının Baş redaktoru Peyman Sadıqov Mehriban xanım Əliyevaya müraciət etdi...

11:51 - Qax Rayon 13 saylı Yol İstismar İdarəsinin rəisi Əhməd Mirzəbəyovun nailiyyətləri

11:18 - Coşqun Əhmədzadə kimdir: Gömrük məmuru yoxsa sahibkar?

11:01 - Zaqatalada Icra başçısının yaraddığı xaus nə qədər davam edəcək?

23:05 - Cəlilabadda idarə rəisinin müthiş korrupsiya əməlləri...

15:13 - Şəhid ailəsindən evinin damının vurmasına görə 2000 manat pul tələb edən kimdir?

14:14 - Əhməd Əhmədzadə Dünya Azərbaycanlılarının Həmrəylik günü münasibəti ilə xalqı təbrik etdi

PressDent.Info

Şəmkir kəndlərinin suyunu kəsən iş adamları kimdir?

Şəmkir kəndlərinin suyunu kəsən iş adamları kimdir?
15-10-2015, 21:03 45875 dəfə baxılıb

“Seyfəlidəki çaydan bizim kəndə su gəlirdi. Türklər gəldi, orada tikinti apardı, çayın kəndlərimizə tərəf axınının qarşısını kəsdilər. Gəncəyə, Samuxa kanal çəkdilər. O gün-bu gün susuz qalmışıq”.
Şəmkirin Təzəkənd kəndinin sakinləri susuzluqdan dad çəkir. Onlar 1 ildir ki, kəndə gələn suvarma suyunun qarşısının alındığını, içməli suyunsa əzəldən qəhətə çıxdığını deyirlər.
Kənd sakini Fuad Salmanov ailəsini əkinçiliklə dolandırır. Uzun illərdir ki, həyətində kələm əkir, bazara çəkib pula çevirir. Ancaq deməsinə görə, son 1 ildə bunu edə bilmir: “Suvarma suyunun qarşısı kəsildiyindən göyərti, tərəvəz sahələrimiz də məhv olub. Şəxsən mən yarım hektar kələm əkmişdim, o boyda sahədən bircə kələm də götürə bilmədim”.
Kəndlilər deyirlər ki, suya limit qoyulub. Özü də olmayan suya...
Baba Həsənli adlı kənd sakini: “Limit qoyublar, limitə düşən suyun pulunu da ay başa çatmamış qapı-qapı düşüb yığırlar. Ancaq suyun özü yoxdur. Danışırıq, deyirlər “maaşımız sizdən yığdığımız pulla ödənilir”. Deməli, qapı-qapı düşüb olmayan suya görə pul yığırlar, həmin pulu da ciblərinə qoyurlar ki, maaşımızdır. Şəxsən mən heç kəsdən xahiş etmirəm ki, qapıma vermədikləri suyun pulunu maaş kimi almağa gəlsin”.
Baba Həsənlinin sözlərinə görə, hər ay o və kənddə yaşayan azı 150 ailə 10 manatdan su pulu ödəyir:“Göyərtinin dəstəsini 6 qəpiyə satırıq. Nə əkməyinə, nə də qulluq etməyinə dəymir. Ancaq olmayan suya görə 10 manat ödəyirik. Deməyim odur ki, birtəhər başımızı dolandırırıq. Gedib hökumətlə qarın davası aparmırıq. Heç olmasa hökumət də bizi dinc buraxsın. Elə bil pusquda dayanıblar, haradan bir qarın çörək çıxarırıqsa, tez qarşıya bir sədd çəkirlər. Suvarma suyumuzu kəsməklə ailələr əkinçilikdən məhrum olublar. Sahələr yanır, kənddə aclıq, səfalət baş alıb gedir”.
Kənd sakinlərinin iddiasına görə, kəndə suvarma suyu Şəmkirçaydan gəlirmiş. Ancaq ötən il bir layihə onları Şəmkirçayın suyuna həsrət qoyub.
İltimas Şəfiyev adlı sakin: “Türklər gəlib Şəmkirçayın qarşısını bağladılar. Başqa rayonlara çaydan kanallar çəkdilər. Bir sözlə, indi Şəmkirçaydan Şəmkirin öz kəndlərindən başqa uzaq-yaxın hamı istifadə edə bilir. Bizi isə aldadırlar ki, motor çayın suyunu bizim kəndlərə tərəf vurmur”.
Kəndlilər kənddə artezian quyularının qazılmasını istəyirlər. Ancaq demələrinə görə, yerli icra hakimiyyəti bu işi onların öz üzərinə yükləmək istəyir: “Deyirlər, 22-25 min manata başa gəlir. Düzdür, bəzi kəndlərdə yığışıb bunu alıblar, su problemlərini öz güclərinə aradan qaldırıblar. Bizimsə buna imkanımız yoxdur”.
Şəmkir Rayon İcra Hakimiyyətindən “Azadlıq” radiosuna bildiriblər ki, Təzəkənd sakinləri bir neçə dəfə quruma susuzluqdan şikayətləniblər. Ancaq kənddə ilboyu əsasən yayda susuzluq olur. Səbəb də havaların quraqlıq keçməsidir - arxların suyu quruyur.
O ki qaldı Şəmkirçayla bağlı iddialara, RİH-dən bildirilib ki, ötən il Şəmkirçay su anbarı tikilib, anbara yığılan su əkin sahələrini suvarmaq üçün nəzərdə tutulub. Bunun üçün magistral kanallar da inşa olunub. Bu anbar Şəmkir, Göygöl, Samux və Goranboy rayonlarının həm suvarma, həm də içməli su ilə təmin olunması üçündür. Texniki problemlər Təzəkənd sakinlərinə çaydan yararlanmağa imkan vermir.
İcra hakimiyyəti yaxın vaxtlarda kənddə bir artezian quyusunun qazılmasını planlaşdırır.

ŞƏRH YAZ
OXŞAR XƏBƏRLƏR
SON DƏQİQƏ